|
За лугьун Ахцегьрин тегьер,
Шегьердин султан я и хуьр,
Гьар затIуни гуда бегьер,
Дердинин фарман я и хуьр.
Жигьилриз хупI ава камал,
Акуи къене гуьрчег жамал,
Буй яргъи яз юкь я шумал,
Вири юн, жаван я и хуьр.
Дадмиш ида атай саил.
КIвализ гьида ам къуна гъил,
ТIуьн-хъун гана шадда гуьгуьл,
Кесибриз девран я и хуьр.
Варлубур я анин эллер,
Гьар патахъди дуьзеи чуьллер,
Тарари акъуда гуьллер,
Билбилрин макан я и хуьр.
Садни жеч ваз чин тийидай,
Дамахдив къекъуьн тийидай.
Кефчи яз луькIуьy тийидай.
Сейранган майдан я и хуьр
Мубарак шегьердин саягь.
Кьуд пад я хьи элкъвена багь,
КIаник туьквен, винел утагь.
Вири батарган я и чуьр
Авайди я зирик сесер.
Ван хъайибур жеда серсер,
Ахмиш жез физ абукевсер.
Сифетул жанан я и хуьр
Ахцегьар ава бахтуна,
Беглер хьтин гьар тахтуна.
Гьар са ферзинин вахтуна.
Манажат азан я и хуьр
Гьажидин рикI хьана хьи дар.
Дагьустандихь ийиз ялвар.
Гьайиф. Бакуда фей йикъар.
ХупI гьузел ватан я и хуьр.
|
